【有種女仔唔係唔靚，不過係要p到好假】
我諗大家喺Instagram都有follow開唔少女神啦，但大家有冇見過一啲p圖p到好明顯，係人都知佢p過圖既女神呢？要識別佢地其實唔難，因為呢啲p圖女神得幾款呃人手法架啫，只要細心啲就唔會上當。
第一種：一轆佢啲相，明明背景唔一樣但樣永遠都係嗰個表情、都係嗰個角度，驚死人唔知佢有V剎巴掌臉同間尺鼻咁。第二種：我知你隻腳好乸長、好Q幼，咁都唔使p到隻小腿仲長過個頭加埋個身掛？第三種：用埋啲美肌相機開到最盡既美肌模式，係呀，係白左又滑左呀，但係個樣朦到見唔到咁濟呢！
其實p圖唔係犯法，大佬我都有p圖啦，啲眼袋黑眼圈暗瘡唔通拎出黎獻世咩，所以我唔係話p圖係錯。但係，明明你真人都係好靚，點解要重手p到咁離譜呢？好似外星人咁隻眼大過塊面、條腿同竹籤冇分別、個咀細到成粒癦咁就叫做靚？比多啲自信自己，有時細執一下就得啦！
Search